- Speechtexter é un programa web que permite transcribir a texto as emisións orais. Incorpora o galego como lingua. Este programa soamente funciona no navegador Google Chrome.Para favorecer a tarefa de coller apuntamentos por parte do alumnado, cando non existe a posibilidade de proporcionarllos previamente por escrito, unha funcionalidade de Windows que pode facilitaristo é a seguinte:
En “Configuración”, “Privacidad”, “Voz”, activando a opción “Reconocimiento de voz en línea”. Con esta opción activada, se abrimos algún programa para procesar texto (debe ser compatible con esta funcionalidade) ou o propio Bloc de notas de Windows, e prememos a tecla de “windows” máis a letra “H”, aparece un micrófono que inicia o recoñecemento de voz e o seu traslado a texto nestes programas. En ocasións, pode ser necesario activar a función premendo sobre a imaxe do micrófono. Pulsando sobre calquera tecla ou pasado un tempo se desactiva. A opción "Reconocimiento de voz en línea" funciona se o dispositivo (ordenador) está conectado a internet. Un complemento que podería facilitar a recollida de apuntamentos por parte do alumnado con discapacidade motora con afectación nas extremidades superiores, sería a de conectar vía bluetooth o ordenador do/a alumno/a con un micrófono que leve o/a docente (como, por exemplo, podería ser este: Aled BTMIC2 Micrófono sen fíos bluetooth, largo alcance e baixa latencia).
Microsoft Office Word ten previsto incorporar a funcionalidades: Transcribir e Ditado nas actualizacións que se leven a cabo.
